Ang Limang Kalayaan ay Binalewala:
Century Pacific Food
Nalantad ang kalupitan
This photo is representative of the standard industrial farming practices permitted in the company’s supply chain.Photo: Stefano Belacchi / Animal Welfare Observatory / We Animals
Kabilang ang mga ito sa Limang Kalayaan na naglalarawan ng makataong pagtrato sa mga hayop sa bukid – mga pamantayang sinuportahan ng higit sa 90% ng publiko.
Ang mga kalayaan na ito ay kumakatawan sa mga inaasahan ng mga mamimili mula sa mga kumpanya ng pagkain, at habang marami sa mga nangungunang tagamanupaktura ng pagkain ang tumupad sa mga patakaran para igalang ang limang kalayaan sa kanilang supply chain, patuloy na ipinagwalang bahala ng Century Pacific Food ang mga pamantayang etikal na ito, at nagsisilbi ng pagkaing nagmula sa mga bukid kung saan ang mga hayop ay dumaranas ng matinding paghihirap.
Mula sa mga inahing manok na nakakulong sa maliit na kulungan habambuhay, hindi man lang maibuka ang kanilang mga pakpak o makakilos ayon sa kanilang likas na ugali, hanggang sa mga ibon na dumaranas ng matinding panghihina ng mga buto at matinding sakit dahil sa labis na pagkakulong, hinahayaan lamang ng Century Pacific food ang malupit na pagmaltrato para makatipid ng ilang sentimo bawat pagkain.
Ang mga hindi makatao na kasanayan na ito ay maaaring direktang magdulot ng seryosong panganib sa kalusugan ng mga mamimili.
Ang produksyon ng itlog mula sa kulungan ay may kaugnayan sa mataas na insidente ng kontaminasyon ng Salmonella, dahil ang masisikip at hindi malinis na kondisyon ay nagiging pugad ng bakterya. Ang stress at mahinang immune system ng mga nakakulong na inahin ay lalo pang nagpapataas ng panganib ng pagkalat ng sakit.
Dagdag pa nito, karaniwang umaasa ang mga itlog mula sa kulangan sa labis na antibiotic na ginamit para pamahalaan ang mga impeksyon na dulot ng hindi malinis na kapaligiran, na nag-aambag sa pagtaas ng mga bakterya na hindi tinatablan ng antibiotic na maaaring maipasa sa mga tao.
Sa patuloy na pagpapahintulot sa paggamit ng itlog mula sa kulungan sa kanilang supply chain, hindi lamang pinananatili ng Century Pacific Food ang pagdurusa ng mga hayop kundi inilalagay din sa panganib ang kalusugan ng mga mamimili.
Panahon na para magpatupad ang Century Tuna ng mga patakaran na magwawakas sa malupit at hindi ligtas na gawain na ito para masiguro ang Limang Kalayaan para sa mga Hayop.
Sa likod ng mga itlog mula sa mga brand ng Century Pacific Foods, tulad ng Shakey’s Pizza Parlor at Peri-Peri’s Chicken, ay isang madilim na realidad ng paghihirap.
Ang mga inahing manok ay nakakulong sa masisikip na hawla, na hindi nila kayang ibuka ang kanilang mga pakpak, lumingon, o gawin ang mga natural nilang galaw. Tinatrato silang parang mga makina na pang-itlog, tinitiis ang habambuhay na pagdurusa sa pagtayo sa matutulis na sahig na kable, na nagdudulot ng sakit at pinsala sa kanilang mga paa at katawan. Dahil sa sobrang sikip, nagkakasakitan sila dahil sa stress at kawalan ng pag-asa.
Pati ang mga pinakapayak na pangangailangan ng buhay ay hindi naibibigay.
Wala silang pagkakataon na magtampisaw sa alikabok, mabuting lugar na pahingaan, o huminga ng sariwang hangin.
Sa halip, ang mga matatalino at mausisang hayop na ito ay nakakulong sa isang mundong walang anumang aliw o kasiyahan. Ang sobrang stress at siksikan sa mga hawla ay nagdudulot ng mga seryosong problema sa kalusugan, tulad ng mga butong marurupok at uterine prolapse mula sa walang katapusang pag-itlog. Marami sa kanila ang namamatay sa mga hawla, at ang kanilang mga katawan ay iniiiwan sa tabi ng mga buhay na manok hanggang sa tanggalin ng mga manggagawa.
Sa ganitong sistema, halos lahat ng Limang Kalayaan ay nilalabag: Hindi nabigyan ang mga inahing manok ng kalayaan mula sa hindi komportableng kondisyon, kalayaan mula sa sakit, pinsala, at karamdaman, kalayaan na gawin ang natural nilang galaw, at kalayaan mula sa takot at pagkabahala. Ngunit pinapayagan ng Century Pacific Foods na magpatuloy ang mga ganitong barbarikong gawi ng kanilang mga supplier.
Ang Century Pacific Food at may kapangyarihan at responsibilidad na itigil ang sobrang kalupitan sa mga supply chain nito. Ang publiko ay umaasa ng mas mas mabuting pamamalakad, at ang mga hayop ay nararapat na mamuhay ng walang labis at hindi nararapat na paghihirap.
Panahon na para sa Century Pacific Food na gawin ang ginagawa ng maraming nangungunang kompanya sa industriya ng pagkain na tinitiyak na mapatupad ang mga patakaran ng Limang Kalayaan para sa mga hayop sa kanilang supply chain.
